Zərərli həşəratlara qarşı dron?- araşdırma
Hollandiyanın “Wageningen” Universitetinin holland alimləri istixanalarda uçan zərərvericiləri doğramaq üçün kiçik dronları göndərən “PATS” sistemini işləyib hazırlayıblar.
“PATS” adı ağcaqanadın iki əl ilə vurulması zamanı çıxan səsin hollandca təsvirindən gəlir. Sistem iki hissədən ibarətdir: PATS-C və PATS-X. PATS-C komponenti internetə qoşulmuş istixanada quraşdırılmış bir neçə infraqırmızı kameralardan ibarətdir.
Süni intellektə əsaslanan xüsusi hazırlanmış alqoritmlərdən istifadə edərək kameralar qanad döyüntülərinin tezliyi və ölçüsü ilə uçan hər hansı həşəratı aşkar və müəyyən edə bilir. Əgər həşəratın arı kimi faydalı olduğu ortaya çıxarsa, kamera onu izləməyi dayandırır. Zərərverici aşkar edilərsə, PATS-X komponenti köməyə gəlir. Sistemin bu hissəsi simsiz şarj dokstansiyada yerləşən bir və ya bir neçə kiçik kvadrokopterdən ibarətdir.
PATS-X simsiz enerji doldurulması olan bir pad üzərində qurulmuş bir və ya bir neçə miniatür drondur. Zərərverici aşkar edildikdə PATS-C pilotsuz uçan aparatı işə salır və onu zərərvericinin olduğu yerə göndərir – maşın sadəcə onu vurur, pərləri ilə doğrayır və “aerodroma” qayıdır. PATS-C-nin əsas versiyası artıq Avropa üzrə 250 obyektdə istifadə olunur – hələlik o, müştərilərə həşəratların mövcudluğu haqqında məlumat verir. PATS-X isə sınaqdan keçirilir və bu il satışı gözlənilir.
Məlum olub ki, uçuş zamanı dron mühərrikləri yarasalarla eyni diapazonda ultrasəs yayır. Buna görə bəzi zərərverici güvələr PATS-X-dan yayınmağa çalışırlar. Bir tərəfdən layihə müəllifləri naviqasiya alqoritmini hazırlayarkən bunu nəzərə almaq qərarına gəliblər. Digər tərəfdən, istixanalarda bu səsləri çoxaldan və həşəratları dəf edən dinamiklərin quraşdırılması ideyası yaranıb.
