Zelenski Rusiya və Belarusdan Ukraynaya kitabların idxalını qadağan edib
Ukrayna Prezidenti Volodimir Zelenski Rusiya və Belarusdan nəşriyyat məhsullarının idxalının qadağan olunmasına dair qanunu imzalayıb.
Telejurnal xəbər verir ki, o, bu barədə teleqram kanalında bildirib.
Onun sözlərinə görə, Rusiya, Belarus, Ukraynanın müvəqqəti işğal olunmuş ərazisindən nəşriyyat məhsullarının idxalına və yayılmasına məhdudiyyətlərin müəyyən edilməsi ilə bağlı ölkəsinin bəzi qanunlarına dəyişikliklər edilməsi haqqında qanun imzalayıb: “Qanunu düzgün hesab edirəm”.
V.Zelenski deyib ki, azlıqların, xüsusən də linqvistik hüquqların müdafiəsi baxımından öhdəliklərin yerinə yetirilməsinə təsir göstərə biləcəyinin əlavə qiymətləndirilməsi üçün qanunun mətni Avropa İttifaqının uyğun institutlarına göndərilib.
Məlumata görə, 2022-ci il iyunun 19-da Ali Rada uyğun qanunu qəbul edib.
