“Zaminbank”ın balansındakı daşınmaz əmlak açıq hərraca çıxarılacaq
Fevralın 9-u saat 11:00-da “Bakı Hərrac Mərkəzi”ndə Əmanətlərin Sığortalanması Fondunun (ADIF) ləğvetməsində olan “Zaminbank” ASC-nin balansındakı daşınmaz əmlak açıq hərraca çıxarılacaq.
“TELEJURNAL” AZƏRTAC-a istinadən bildirir ki, daşınmaz əmlak Bakı şəhəri, Nəsimi rayonu, Akademik Mirqasımov küçəsi, ev 4, mənzil 50 ünvanında yerləşən yaşayış sahəsi (ümumi sahəsi 53,6 kvadratmetr) və eyni ünvanda yerləşən ümumi sahəsi 25,9 kvadratmetr olan qeyri-yaşayış (zirzəmi) sahəsidir. Daşınmaz əmlakın ilkin satış qiyməti 245 min manatdır. Satış qiymətinin 5 faizi həcmində beh hərrac təşkilatına ödənilməlidir. Alış qiyməti 7 təqvim günü ərzində sifarişçinin hesabına ödənilməlidir. Açıq hərracda iştirak etmək üçün lazımi sənədlər: F/Ş şəxsiyyət vəsiqəsi, H/Ş təsis sənədləri. Ünvan: Bakı şəhəri, Yasamal rayonu, məhəllə 593, Ə.Salamzadə küçəsi 2C (3-cü mərtəbə). Tel: 050/055-206-66-67.