“Yaxın vaxtlarda Füzuli ilə bağlı çox yaxşı xəbərlər gələcək” – Prezident

“Demək olar ki, hər gün Azərbaycan Ordusu uğurlu əməliyyatlar keçirir. Bizim əməliyyatlarımız davam edir. Təxminən 40-a yaxın, ya da 40-dan çox yaşayış məntəqəsi işğaldan azad edilib. Yaxın vaxtlarda da növbəti sevincli, şad xəbərlər gələcək. Biz əsas əməliyyatları indi şimal və cənub istiqamətlərində aparırıq”.

“telejurnal” xəbər verir ki, bu barədə Prezident İlham Əliyev Türkiyənin NTV telekanalına müsahibəsində bildirib.

“Cəbrayıl şəhəri və Cəbrayıl rayonunun əksər kəndləri artıq bizdədir. Füzuli rayonunun bir çox kəndlərini biz işğalçılardan azad etdik. Əminəm ki, yaxın zamanlarda Füzuli rayonundan da çox yaxşı xəbərlər gələcək”, – deyə dövlət başçısı qeyd edib.