Yaponiyanın Baş naziri hökumətdə və hakim partiyada kadr dəyişikliklərini sentyabrda aparacaq.
Yaponiyanın Baş naziri Fumio Kişida sentyabrın birinci yarısında hökumətin və hakim Liberal Demokratik Partiyanın (LDP) tərkibində kadr dəyişikliklərini planlaşdırır.
TELEJURNAL. az AZƏRTAC-a istinadən xəbər verir ki, bu barədə iyulun 21-də Kyodo agentliyi hökumətdəki mənbələrə istinadla məlumat yayıb.
Bildirilir ki, həmin dəyişikliklər zamanı LDP sədrinin müavini Taro Aso və partiyanın baş katibi Toşimitsu Moteqi öz yerlərini saxlayacaqlar. Belə ki, Baş nazirin öz siyasi xəttini həyat keçirmək üçün say tərkibinə görə LDP daxilində ikinci və üçüncü fraksiyalara rəhbərlik edən həmin şəxslərə ehtiyacı var.
Bununla yanaşı, Nazirlər Kabinetinin baş katibi Hirokazu Matsunonun da öz vəzifəsində qalacağı gözlənilir. Belə ki, o, silahlı hücumda qətlə yetirilən sabiq Baş nazir Şinzo Abenin dəfnindən sonra LDP daxilindəki ən böyük fraksiyaya rəhbərlik edir. H.Matsunonun müavini, Baş nazir Fumio Kişidanın yaxın dairəsinə daxil olan Seyci Kiharanın da əvvəlki vəzifədə qalacağı gözlənilir.
Qeyd edək ki, Yaponiya hökumətinin və hakim LDP-nin tərkibində dəyişikliklər iyulun 10-da parlamentin yuxarı palatasına keçirilən seçkilərdən sonra planlaşdırılır. Həmin seçkilərdə LDP-nin və “Komey-to” Partiyasının daxil olduğu hakim fraksiya inamlı qələbə qazanıb.
