Xocalı soyqırımını əks etdirən poçt markaları alman təşkilatlarına göndərildi

Azərbaycan Respublikası Diasporla İş üzrə Dövlət Komitəsinin təşəbbüsü ilə Münhen Azərbaycanlıları Mədəniyyət Mərkəzi tərəfindən Xocalı soyqırımının 30-cu il dönümü ilə əlaqədar hazırlanan, üzərində Xocalı faciəsini əks etdirən poçt markaları olan 300 ədəd flayer Alman Bundestaqına, Bavariya Parlamentinə, Almaniya Mərkəzi Protestan kilsəsinə, Alman Mərkəzi Arxeparxiyasına, Almaniyada Yəhudilərin Mərkəzi şurasına və Almaniyada Müsəlmanların Mərkəzi şurasına göndərilib.
“TELEJURNAL” AZƏRTAC-a istinadən xəbər verir ki, flayerlərdə mənfur qonşularımızın 30 il bundan əvvəl Xocalı şəhərində günahsız soydaşlarımıza qarşı etdiyi soyqırımı haqqında məlumatlar alman dilində əks olunub.