Viktor Orban: Amerika zəiflənmir, Çin daha da güclü olur, Avropa isə əziyyət çəkir.
Macarıstanın Baş naziri Viktor Orbanın fikrincə, avronun dollara nisbətən zəifləməsinin səbəbi Ukraynada müharibə ilə əlaqədar Avropada enerji daşıyıcılarının bahalaşmasıdır.
TELEJURNAL. az AZƏRTAC-a istinadən xəbər verir ki, V.Orban Nazirlər Kabinetinin müşavirəsində çıxış edib. O bildirib ki, enerji daşıyıcılarının qiymətinin artması Avropanı və onun valyutası olan avronu zəiflədir.
Orban deyib: “Ukraynada baş verən hadisələrdən ən çox ziyan çəkən Avropa olub. Amerika zəifləmir, Çin daha da güclü olur, Avropa isə əziyyət çəkir. Avropaya sülh lazımdır. Ukraynada gedən müharibə və sanksiyalar Avropada enerji daşıyıcılarının dünyanın hər hansı başqa yeri ilə müqayisədə daha çox bahalaşmasına səbəb olub. Bu səbəbdən artıq bir neçə gündür ki, avro dollarla müqayisədə zəifləyir”.
Baş nazir daha sonra əlavə edib ki, vəziyyət tədricən dəyişir: enerji daşıyıcılarının qiyməti məsələsi ümumiyyətlə enerjinin, qazın və ya neftin olub-olmayacağı məsələsinə çevrilir.
Macarıstan hökumətinin başçısı əminliklə bildirib ki, ölkənin enerji təchizatı etibarlı, iqtisadiyyatın artımı sabitdir.
V.Orban təsdiq edib ki, onun hökumət kabineti macar ailələrinin bütün vasitələrlə təmin olunmasına çalışacaq.