Ukraynanın Nikolayev şəhəri raketlə vurulub, ölən və yaralananlar var

Kiyev, 17 iyun, TELEJURNAL AZƏRTAC-a istinadən xəbər verir ki,

İyunun 17-də səhər saatlarında Ukraynanın Nikolayev şəhəri raket hücumuna məruz qalıb, evlərə ziyan dəyib, ölən və yaralananlar var.

AZƏRTAC xəbər verir ki, bu barədə Nikolayev vilayətinin hərbi administrasiyasının rəhbəri Vitali Kim teleqram səhifəsində məlumat yayıb.

“Nikolayevdə səhər saatlarında raket hücumu nəticəsində 4 çoxmərtəbəli bina və bir infrastruktur obyekti zədələnib. Bir nəfər ölüb, altı nəfər yaralanıb – onlardan biri uşaqdır. Xilasetmə işləri aparılır”, – deyə Kim əlavə edib.