Ukraynanın bu şəhərini su basdı, ölənlər var

Ukraynanın Kaxovka su elektrik stansiyasının partladılmasından sonra Xerson vilayətini su basması nəticəsində ölənlər var.

Telejurnal xəbər verir ki, bu barədə Xerson vilayətinin Oleşek şəhərinin meri Yevgeni Rişuk məlumat verib.

Onun sözlərinə görə, şəhərdə daşqın nəticəsində artıq 3 nəfər həlak olub.

“Düşünürəm ki, bu rəqəm daha çox olacaq. Çox adam yataq xəstəsi idi, ayaqları yox idi, ayaqsız adam damın üstünə necə çıxa bilər?”,- Rişuk qeyd edib.

Mer deyib ki, Oleşek şəhərinin 90 faizi su altında qalıb, bəzi yerlərdə suyun səviyyəsi 3 metrə çatır:

“Rus işğalçıları yalnız axşam saatlarında yerli sakinləri təxliyə etməyə başlayıblar”.