Ukraynalı deputat: Azərbaycan və Ukrayna arasında münasibətlər zamanın sınağından keçib
Azərbaycanla Ukrayna arasında diplomatik münasibətlər hər iki dövlət müstəqillik əldə etdikdən sonra qurulub. Bu günə qədər bu münasibətlər zamanın sınağından keçib və burada qarşılıqlı yardım prinsipi əsas götürülür.
“TELEJURNAL” AZƏRTAC-a istinadən xəbər verir ki, Ukrayna Ali Radasının deputatı, siyasi analitik Nelli Yakovleva iki ölkə arasında diplomatik münasibətlərin yaradılmasının 30 illiyi barədə danışarkən söyləyib.
Deputat bildirib ki, ölkələr arasında iqtisadi, hərbi-texniki, mədəni, humanitar və digər sahələrdə əməkdaşlıq kompleks xarakter daşıyır. Eyni zamanda, iki ölkə arasında əməkdaşlığın daha da möhkəmləndirilməsi üçün böyük potensial mövcuddur.
Nelli Yakovleva bildirib ki, ölkələrimiz beynəlxalq səviyyədə tanınmış sərhədlər çərçivəsində biri-birinin suverenliyini və ərazi bütövlüyünü dəstəkləyir. Beynəlxalq təşkilatlarda qarşılıqlı dəstək göstərilir.
Qeyd edək ki, iki ölkə arasında diplomatik münasibətlər müstəqilliklərinin bərpasından qısa müddət sonra – 1992-ci il fevralın 6-da qurulub.