Ukraynada “Müxalifət platforması – Həyat uğrunda” partiyasının fəaliyyəti dayandırılıb

Kiyev, 20 iyun, AZƏRTAC-a istinadən xəbər verirki,

Ukraynada müxalifət partiyasının fəaliyyəti dayandırılıb.

Səkkizinci İnzibati Apellyasiya Məhkəməsi Ukraynada “Müxalifət platforması – Həyat uğrunda” partiyasının fəaliyyətini qadağan edib. Qərara əsasən siyasi partiyanın bütün əmlakı dövlətin mülkiyyətinə keçəcək.

Məhkəmə Ukrayna Ədliyyə Nazirliyinin iddiaları əsasında qərar çıxarıb.

Qeyd edək ki, bundan öncə Səkkizinci İnzibati Məhkəməsi 9 siyasi partiyanın fəaliyyətinə qadağa qoyub.

Məhkəmənin müvafiq qərarları ilə “Sol Müxalifət”, “Şariynin Partiyası”, “Müxalifət Bloku”, “Sosialist”, “Naşi”, “Sosialistlər”, “Vladimir Saldo” Bloku, “Derjava”, “Ədalət və İnkişaf” partiyalarının fəaliyyəti qadağan edilib.