Ukrayna Rusiya və Belarus idmançılarının iştirakı ilə keçirilən yarışların boykotunu dayandırıb

Ukrayna idmançıları Rusiya və ya Belarus idmançılarının da neytral statusda mübarizə apardığı yarışlarda iştirak edə biləcəklər.

TELEJURNAL  bu barədə “RBC-Ukrayna”ya istinadən xəbər verir.

Ukrayna Gənclər və İdman Nazirliyinin əmrinə əsasən, məhdudiyyətlər yalnız bu ölkələrin nümayəndələri öz dövlət bayraqları altında yarışlarda iştirak etdikdə qüvvədə qalır.

Sənəd həmçinin Ukrayna idmançılarına Rusiya və/və ya Belarusu təmsil edən idmançıların öz milli rəmzlərindən istifadə etdikləri, Rusiyaya və Belarusa mənsub olduqlarını ictimai hərəkətləri və ya bəyanatları ilə ifadə etdikləri yarışlarda iştirakını qadağan edir.