Ukrayna Milli Bankı dolların rəsmi məzənnəsini 25 faiz qaldırıb.
İyulun 21-də Ukrayna Milli Bankı milli valyutanın ABŞ dollarına nisbətdə rəsmi məzənnəsini 25 faiz qaldıraraq 36,5686 qrivnaya çatdırıb.
TELEJURNAL. az AZƏRTAC -a istinadla xəbər verir ki, bu barədə Ukrayna Milli Bankının mətbuat xidmətinin məlumatında deyilir.
“Ukrayna Milli Bankı müharibə zamanı Ukrayna iqtisadiyyatının fundamental xüsusiyyətlərinin dəyişməsini və ABŞ dollarının digər valyutalara nisbətdə möhkəmlənməsini nəzərə alaraq 2022-ci il iyulun 21-də milli valyutanın ABŞ dollarına nisbətdə məzənnəsini 25 faiz korrektə edərək 36,5686 qrivnaya qaldırıb”, – deyə məlumatda bildirilir.
Rusiyanın Ukraynaya qarşı başladığı genişmiqyaslı müharibənin əvvəlində Milli Bank qrivnanın məzənnəsini bir dollar üçün 29,25 qrivna səviyyəsində müəyyən etmişdi.
