Ukrayna hücuma keçib, itkisi adidir, sevinməyin
Bunlar baş verir: ukraynalılar hücuma keçiblər. Onlar hər şeyi çox səliqəli şəkildə edirlər.
Telejurnal xəbər verir ki, bu sözləri “Vaqner” muzdlu hərbi qrupun rəhbəri Yevgeni Priqojin tərəfdarlarına Ukraynanın hücumunu şərh edərkən deyib.
O bildirib ki, Ukrayna ordusu Zaporojye istiqamətində qüvvələrini toplayıb:
“Hazırda onlar özlərinin sol (bizim sağ) cinahını qoruyurlar – özləri 100 km məsafədə deyir, məncə, daha artıqdır. Onlar səliqəli, sakit hərəkət edirlər. İndiyə qədər 2 “Leopard” və bir neçə “Bradley” itiriblər. Düzünü desək, bu, adi hərbi itkidir. Bunu piar üçün demirəm, istəyirəm, vəziyyəti doğru qiymətləndirək. Buna görə də sevinmək çox tezdir, səfərbər olmaq lazımdır. Anlamalıyıq ki, onlar ya başlarından güllə alana, ya da özləri nəticə əldə edənə qədər dayanmayacaqlar. Mənim qiymətləndirməmə görə, yerlərdə olan hərbçilər kifayət qədər müqavimət göstərmirlər”.
