Türkiyənin milli döyüş təyyarəsi “KAAN”-ın istifadəyə veriləcəyi tarix açıqlanıb

Türkiyənin Müdafiə Sənayesi İdarəsinin rəhbəri İsmail Demir “TGRT Haber”ə müsahibəsində bildirib ki, “Kaan” milli döyüş təyyarəsinin 2030-cu ildə istifadəyə verilməsi nəzərdə tutulub, amma daha tez də ola bilər”.

O xatırladıb ki, “Kızıl elma” PUA-sı da elan edilən tarixdən daha tez istifadəyə verilmişdi.

Qeyd edək ki, “Kaan” Türkiyənin milli döyüş təyyarəsidir. Türkiyə Prezidenti Rəcəb Tayyib Ərdoğan mayın 1-də bu texnikanın adını açıqlamışdı. Ümumiyyətlə, Türkiyə milli döyüş təyyarəsi “KAAN”ı istehsal etməklə dünyada 5-ci nəsil qırıcı istehsal edən 5 ölkədən biri olacaq.