Türkiyədə daha 123 qanunsuz miqrant saxlanılıb.

Türkiyənin Kırklareli vilayətində 123 qanunsuz miqrant saxlanılıb.

TELEJURNAL. az  AZƏRTAC-a istinadən  xəbər verir ki, Türkiyənin təhlükəsizlik qüvvələrinə şəhərdə qanunsuz yollarla ölkəyə daxil olan bir qrup əcnəbinin yaşaması ilə bağlı məlumat verilib. Faktla bağlı aparılan araşdırma nəticəsində saxlanılan miqrantların Pakistan, Əfqanıstan və Suriya vətəndaşları olduqları müəyyən edilib.

Bununla yanaşı, onlara kömək göstərməkdə şübhəli bilinən altı nəfər hakim qarşısına çıxarılaraq həbs edilib.

Miqrantlar ölkələrinə geri göndərilmək üçün Türkiyənin aidiyyəti qurumlarına təhvil veriliblər.