Türkiyədə atışma olub, ölən və xəsarət alanlar var

Türkiyənin İzmir şəhərinin Menderes rayonundakı çay evlərindən birində baş verən silahlı insident zamanı 5 nəfər ölüb, 2 nəfər yaralanıb.

Bu barədə Telejurnal Türkiyə mətbuatına istinadən xəbər verir.

Qeyd edilir ki, münaqişəyə borc pul məsələsi səbəb olub.

Hər iki tərəfin silahdan istifadə etdiyi davada 5 nəfər həyatını itirib, 2 nəfər isə yaralanıb.

Hadisə yerinə təcili yardım polis əməkdaşları cəlb edilib.

Yaralılar təcili tibbi yardım maşını ilə yaxınlıqdakı xəstəxanalara çatdırılıb.

Polis araşdırmalara başlayıb.