“Türk Qızılayı”ndan Azərbaycana yardım karvanı yola düşdü (FOTO)
Təcili humanitar yardım materiallarını Azərbaycana gətirən Türk Qızıl Aypara karvanı Dağlıq Qarabağ bölgəsindəki münaqişədən təsirlənən bölgə xalqına çatdırmaq üçün yola çıxıb.
“telejurnal” “Qaynarinfo”ya istinadən xəbər verir ki, Türk Qızılayı Etimesgut şəhərciyində 4 yük maşınından ibarət konvoyun yola salınma mərasimi təşkil edilib.
Prosesi Azərbaycan Qızıl Aypara Cəmiyyəti ilə çox yaxından izlədiklərini söyləyən Türkiyə Qızıl Aypara Cəmiyyətinin prezidenti Kərəm Kınık deyib:
“Biz iki fərqli cəmiyyətik, lakin vahid milli Qızıl Aypara kimi fəaliyyət göstəririk. Həmişə bu mənada əlimizdə nə varsa, onlarla bölüşməyə hazır olduğumuzu bildirmişik. Hazırda Azərbaycan Qızıl Aypara Cəmiyyətinin tələbləri istiqamətində 6 nəfərin yerləşə biləcəyi 16 kvadratmetrlik 250 ədəd 16 kvadratmetrlik 6 nəfərin yata biləcəyi çadır, 3 min yorğan, 500 yataq, 288 mətbəx dəsti, təqribən 1,2 milyon lirəlik humanitar yardım təchizatını 3 nəfər fövqəladə vəziyyət mütəxəssisimizin müşayiəti ilə 4 TIR-la yola salacağıq.
Keçən ilin sonunda Azərbaycan Qızıl Aypara Cəmiyyətinin prezidenti ilə Dağlıq Qarabağ bölgəsinə etdiyimiz səfərlər zamanı bölgədəki ehtiyacları müəyyənləşdirdik. Bölgədəki gərginlik onsuz da yüksək idi və buna hazırlaşdıq. Türk Qızıl Ayparası olaraq o bölgədəki hər cür böhran və insani ehtiyaclarda onlarla birlikdə idik, indi də yanlarındayıq”.