Türk dünyasının tanınmış aşıqlarının yubiley tarixləri ilə əlaqədar poçt markası dövriyyəyə buraxılıb

“Azərpoçt” MMC tərəfindən türk dünyasının üç tanınmış aşığı – Aşıq Ələsgər, Jambıl Jabayev və Yunus Emrenin yubiley tarixləri ilə əlaqədar poçt markası dövriyyəyə buraxılıb.

‘TELEJURNAL’ MMC-dən AZƏRTAC-a bildirilən məlumata istinadən xəbər verir ki, markanın üzərində hər üç aşığın portreti və Beynəlxalq Türk Mədəniyyəti və İrsi Fondunun loqosu təsvir olunub. 5 min tirajla çap olunan markanın rəssam-dizayneri Orxan Qarayevdir.

Poçt markası ilə yanaşı, 200 ədəd Birinci gün zərfi hazırlanıb.

Qeyd edək ki, marka Beynəlxalq Türk Mədəniyyəti və İrsi Fondunun sifarişi əsasında çap edilib.

https://azertag.az/xeber/Turk_dunyasinin_taninmis_asiqlarinin_yubiley_tarixleri_ile_elaqedar_pocht_markasi_dovriyyeye_buraxilib-1953020