TRACECA-nın Azərbaycan hissəsində 36,4 milyon ton yük daşınıb

Cari ilin yanvar-noyabr aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 36,4 milyon ton, yük dövriyyəsi isə 8 milyard 675,7 milyon ton-kilometr olub.
“TELEJURNAL”  AZƏRTAC-a istinadən xəbər verir ki, yüklərin 20 milyon 129,7 min tonu və ya 55,3 faizi avtomobil nəqliyyatı, 12 milyon 166,2 min tonu və ya 33,4 faizi dəmir yolu nəqliyyatı, 4 milyon 106,5 min tonu və ya 11,3 faizi dəniz nəqliyyatı ilə daşınıb.
Dəhliz vasitəsilə daşınmış yüklərin 21,9 faizini və ya 7 milyon 962,4 min tonunu tranzit yüklər təşkil edib.