“Standard Insurance” sığorta şirkətinin əmlaklarının satışı ilə bağlı hərrac olacaq

Ləğv prosesində olan “Standard Insurance” sığorta şirkətinin ləğvetmə komissiyası rekonstruksiya işlərindən sonra şirkətə məxsus birləşdirilmiş 4 mənzili ümumilikdə satış qiyməti 1 milyon 150 min manatdan 20 faiz aşağı olmaqla, yəni 920 min manata təkrar açıq hərraca çıxaracaq.

‘TELEJURNAL’ AZƏRTAC-a istinadən xəbər verir ki, hərrac “Əmlak Hərrac Mərkəzi” MMC tərəfindən yanvarın 12-si saat 11:00-da (növbəlilik qaydasında) Bakı şəhəri, Yasamal rayonu M.Rahim 4A ünvanında keçiriləcək. Hərracda iştirak üçün satış qiymətinin 1 faizi, yəni 9200 manat məbləğində beh ödənilməlidir. Hərracla bağlı daha ətraflı məlumatları isə bu linkdən https://birjanews.az/herrac-elanlar/115 əldə etmək mümkündür.

Ləğvetmə komissiyası, həmçinin bildirir ki, şirkətin digər əmlaklarının qanunvericiliyə və təsdiq edilmiş hərrac qaydalarına əsasən açıq hərrac yolu ilə satışının təşkili davam edəcək və bu barədə ictimaiyyətə əvvəlcədən məlumat veriləcək.

Xatırladaq ki, əmlak ilkin olaraq 2 milyon manata satışa çıxarılmışdı.

https://azertag.az/xeber/Standard_Insurance_sigorta_sirketinin_emlaklarinin_satisi_ile_bagli_herrac_olacaq-1967814