SOCAR və tərəfdaşlarının maliyyələşdirdiyi kibertəhlükəsizlik və data təhlili kursları davam edir
SOCAR və Cənubi Qafqaz Boru Kəməri (CQBK) Şirkətində iştirak payına malik tərəfdaş şirkətlərin maliyyələşdirdiyi kibertəhlükəsizlik və data analitikası üzrə peşəkar kurslar 222 nəfərin iştirakı ilə davam edir.
‘TELEJURNAL’ SOCAR-dan AZƏRTAC-a bildirilən məlumata istinadən xəbər verir ki, artıq 195 nəfər birinci modulu bitirərək sertifikat qazanıb.
Qeyd edək ki, kibertəhlükəsizlik qrupundan 7 nəfər vaxtından əvvəl 8 modul üzrə kursu tamamlayıb və Peşəkar Sertifikat əldə edib. Onların da 5 nəfəri SOCAR əməkdaşıdır. Bu Peşəkar Sertifikatı qazananlar dinamik kibertəhlükəsizlik sahəsində çalışan işçi qüvvəsinə qoşulmaq üçün əsas bilik və bacarıqlarını inkişaf etdirib, təkmilləşdirib. SOCAR-ın əməkdaşı İftixar Şamilov da kibertəhlükəsizlik üzrə təlimin bütün modullarını tez bir zamanda uğurla başa vurub. İndi isə Data analitikası təlimlərinə qoşulması üçün proqramda iştirakı təmin olunub.
azertag.az/xeber/SOCAR_ve_terefdaslarinin_maliyyelesdirdiyi_kibertehlukesizlik_ve_data_tehlili_kurslari_davam_edir-1957036
