SOCAR Ceyranbatanda kanalizasiya sularının sakinlərin həyətinə axmasına aydınlıq gətirib
Ceyranbatanda yeraltı neft kəmərinə yaxın məsafədə yeraltı məişət-kanalizasiya xəttinin dolaraq məişət-kanalizasiya-yağış suları sakinlərin həyətlərinə axması intensiv yağışın yağması və kanalizasiyanın daşması nəticəsində baş verib.
Bu barədə Azərbaycan Dövlət Neft Şirkətinin (SOCAR) Neft Kəmərləri İdarəsindən məlumat verilib.
Bildirilib ki, hadisə yerinə cəlb olunmuş qurumlar, həmçinin Neft Kəmərləri İdarəsinin müvafiq xidmətləri tərəfindən araşdırmalar aparılıb və qarışığın kəmərdən neft sızması ilə əlaqəli olmadığı müəyyən edilib.
Qurum qeyd edib ki, nəql əməliyyatı dayandırılmayıb və kəmərə heç bir ziyan dəyməyib.
Xatırladaq ki, iyunun 18-də saat 22:10 radələrində SOCAR-ın Neft Kəmərləri İdarəsinin Abşeron istehsalat bölümünün Abşeron rayonunun Ceyranbatan yaşayış sahəsində Böyükşor-Sumqayıt Dş-700 mm-lik yeraltı neft kəmərinin 31-ci km hissəsinə yaxın məsafədə yeraltı məişət-kanalizasiya xəttinin dolaraq məişət-kanalizasiya-yağış suları sakinlərin həyətlərinə axması intensiv yağışın yağması və kanalizasiyanın daşması nəticəsində baş verib.