“Silk Way West Aviaşirkəti” MMC-nin istiqrazlarının yerləşdirilməsi üzrə hərrac keçiriləcək
Dekabrın 27-də “Silk Way West Aviaşirkəti” MMC-nin növbəti istiqrazlarının yerləşdirilməsi Bakı Fond Birjasında (BFB) rəqabətli hərrac üsulu ilə həyata keçiriləcək.
‘TELEJURNAL’ BFB-dən AZƏRTAC-a bildirilən məlumata istinadən xəbər verir ki, faizli, təmin edilməmiş, sənədsiz, adlı istiqrazların sayı 10 min ədəd, nominal qiyməti min dollar, illik faiz dərəcəsi 5 faiz, tədavül müddəti 3 ildir. İstiqrazların emissiya prospektini BFB-nin internet səhifəsində “Emitentlərin hesabatlılığı” (https://www.bfb.az/az/emitentler) bölməsindən əldə edə bilərsiniz.
Qeyd edək ki, noyabrın 15-də Bakı Fond Birjasının (BFB) Listinq Komitəsinin qərarı ilə “Silk Way West Aviaşirkəti” MMC-nin istiqrazları standart bazar seqmentində listinqə daxil edilib. Yerləşdirmə üzrə anderrayter “PAŞA Kapital İnvestisiya Şirkəti” QSC-dir. Hərracda iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər. Birja üzvlərinin əlaqə vasitələri BFB-nin internet saytının “Üzvlər” (https://www.bfb.az/az/baku-fond-birjasinin-uzvlerinin-siyahisi) bölməsində yerləşdirilib.
https://azertag.az/xeber/Silk_Way_West_Aviasirketi_MMC_nin_istiqrazlarinin_yerlesdirilmesi_uzre_herrac_kechirilecek-1960610