Sergey Şoyqu Ukraynanın işğal olunmuş ərazilərinə gedib

Rusiyanın müdafiə naziri, ordu generalı Sergey Şoyqu Ukraynanın işğal olunmuş ərazilərinə gedib.

TELEJURNAL  xəbər verir ki, bu barədə Rusiya Müdafiə Nazirliyindən bildirilib.

Məlumata görə, nazir Ukraynada xüsusi hərbi əməliyyat zonasında olub.

S.Şoyqu generalların məruzələrini dinləyib, onlara tapşırıqlar verib.

Xatırladaq ki, Rusiya ilə Ukrayna arasında genişmiqyaslı müharibə ötən il fevralın 24-də başlayıb. Ukrayna ordusu bu il iyun ayından əks-hücum əməliyyatları həyata keçirir.