Şəhid ailələri ilə görüş
Ölkəmizin ərazi bütövlüyü uğrunda canını fəda etmiş şəhidlərimizin ailələri daim diqqət mərkəzində saxlanılır, onların qayğıları ilə maraqlanılır.
30 mart 2022-ci il tarixində YAP Zəngilan rayon təşkilatının və Zəngilan rayon İcra hakimiyyətinin təşəbbüsü ilə YAP Zəngilan rayon təşkilatının sədri Natiq Quluzadə, RİH-nin məsul əməkdaşı Kəmaləddin Məmmədov və YAP Zəngilan rayon təşkilatının Azərbaycan Menecment və İnvestisiya Korporasiyası (AMİK) üzrə Ərazi Partiya Təşkilatının üzvü Sitarə Səfərova Vətən Müharibəsi şəhidi Səfərov Fariz Şəmil oğlunun ailəsində olmuş, onların problem və qayğıları ilə maraqlanmışlar.
YAP Zəngilan rayon təşkilatının sədri Natiq Quluzadə və digər iştirak edənlər şəhidin ailə üzvlərinə başsağlığı vermiş və xalqımızın onun kimi igidlərlə qürur duyduğunu vurğulayaraq şəhid olan bütün qəhrəmanlarımıza Allahdan rəhmət diləyiblər.
Şəhid ailələrinin məişət qayğıları ilə maraqlanılması istiqamətində görülən işlərlə əlaqədar Zəngilan rayon İcra hakimiyyətinin və YAP Zəngilan rayon təşkilatının Azərbaycan Menecment və İnvestisiya Korporasiyası üzrə Ərazi Partiya Təşkilatı tərəfindən təşkil edilmiş ərzaq payı şəhidin ailəsinə verilmişdir.
Şəhid Fariz Səfərovun qəhrəmanlığından söz açan ailə üzvləri onun Vətən uğrunda göstərdiyi şücaəti ilə qürur hissi keçirdiklərini, onunla fəxr etdiklərini dilə gətirib, hər zaman onlara göstərilən diqqət və qayğıya görə ölkə Prezidenti cənab İlham Əliyevə, Birinci vitse-prezident Mehriban xanım Əliyevaya minnətdarlıqlarını bildiriblər.
Şəhidin 4 övladı yadigar qalıb.
Allah bütün şəhidlərimizə rəhmət eləsin!