Santiyaqo Velo de Antelo: Azərbaycan-İspaniya əməkdaşlığı bundan sonra da uğurla davam edəcək

Bu gün Azərbaycanın Müstəqillik Günü ilə yanaşı, Azərbaycan ilə İspaniya arasında diplomatik əlaqələrin qurulmasının 30 illiyini qeyd edirik.

Bu sözləri Madriddə 28 May – Müstəqillik Günü və iki ölkə arasında diplomatik əlaqələrin qurulmasının 30 illiyinə həsr olunmuş qəbulda iştirak edən İspaniya Diplomatik Akademiyasının icraçı direktoru Santiyaqo Velo de Antelo söyləyib.

Santiyaqo Velo de Antelo qeyd edib ki, ötən 30 il ərzində iki ölkə arasında münasibətlər uğurlu inkişaf yolu keçib: “Əminəm ki, Azərbaycan və İspaniya arasında əməkdaşlıq münasibətləri bundan sonra da müvəffəqiyyətlə davam edəcək”.