Şamaxının Pirqulu kəndində günərzi yay düşərgəsi təşkil olunub

Bakı Şəhər Gənclər və İdman Baş İdarəsinin təşkilatçılığı ilə uşaq və yeniyetmələr üçün Şamaxı rayonunun Pirqulu kəndində günərzi yay düşərgəsi təşkil olunub.

TELEJURNAL xəbər verir ki, düşərgədə qazi, aztəminatlı və çoxuşaqlı ailələrin övladları istirahət ediblər.

Düşərgə müddətində iştirakçılar üçün maraqlı və əyləncəli oyunlar, intellektual yarışlar, komanda quruculuğu, şahmat, dama kimi idman turnirləri təşkil olunub.

Günün sonunda düşərgə iştirakçılarına təlimlərdə və oyunlarda fəal iştiraklarına görə diplomlar təqdim edilib.

Qeyd edək ki, avqust ayı ərzində Baş İdarə tərəfindən günərzi düşərgələrin təşkili nəzərdə tutulub.