Şamaxı zəlzələsinin 120 illiyi ilə bağlı beynəlxalq konfrans keçiriləcək

09 Fevral 2022

Mayın 17-19-da AMEA nəzdində Respublika Seysmoloji Xidmət Mərkəzinin (RSXM) təşkilatçılığı ilə Bakıda 1902-ci il Şamaxı zəlzələsinin 120 illiyi ilə bağlı “Seysmologiya və zəlzələ mühəndisliyi üzrə” VII Beynəlxalq konfrans keçiriləcək.

Bu barədə “TELEJURNAL” Report-a istinadən xəbər verir.

Konfransda xarici ölkələrin seysmoloji mərkəzlərinin və beynəlxalq seysmoloji təşkilatların nümayəndələri, yerli və xarici alimlərin iştirakı nəzərdə tutulur.

Konfransda iştirak etmək üçün qeydiyyat ödənişsizdir. Qeydiyyat və materialların təqdim edilməsi (tezislər, məqalələr, məruzələr) 25 mart 2022-ci il tarixinə qədər aparılacaq. Təqdim edilmiş materialların konfrans materialı kimi dərc olunması nəzərdə tutulub.

Konfransda iştirak etmək istəyən alim və mütəxəssislər on beş (15) gün müddətində AMEA nəzdində Respublika Seysmoloji Xidmət Mərkəzinin rəsmi elektron ünvanına qebul@rsxm.science.az müraciət edə bilərlər.

Sizin reklamınız burada ola bilər.