Ruslan Əliyev: Ötən ilin dekabrını nəzərə almasaq, yığım 96,1 faiz olub

Ötən ilin dekabrının son oxunuşunu nəzərə almasaq, yığım 96,1 faiz olub. Bu da pis göstərici deyil.

“TELEJURNAL” AZƏRTAC -a istinadən xəbər verir ki, bu barədə “Azəriqaz” İstehsalat Birliyinin baş direktoru Ruslan Əliyev deyib.

Bildirib ki, dekabr ayının oxunuşu yanvarın 15-dən sonra həyata keçiriləcək.

Qaz sayğaclarında güzəştli limit həddi ilə bağlı göstəricilərin sıfırlanmasından danışan baş direktor qeyd edib ki, artıq bu proses başa çatıb. Diqqətə çatdırıb ki, sayğacların sıfırlanması hər ilin yanvarın 10-dək yekunlaşır.