Rusiyanın “MMA” İttifaqının akkreditasiyası ləğv edilib

Rusiyanın İdman Nazirliyi Qarışıq Döyüş Növləri İttifaqının (MMA) akkreditasiyasını üç ay müddətinə dayandırıb.

Bu barədə “Telejurnal” nazirliyin mətbuat xidmətinə istinadən xəbər verir.

Müvafiq əmri iyunun 15-də idman naziri vəzifəsini icra edən Azat Kadırov imzalayıb. Sərəncamın icrasına nəzarət idman nazirinin müavini Odes Baysultanova həvalə edilib.

İyunun 4-də Amur vilayətinin Beloqorsk şəhərində gənclər arasında keçirilən yarışlarda dəbilqəsiz döyüşən yeniyetmə döyüş zamanı başından güclü zərbə alıb. O, xəstəxanaya yerləşdirilib və daha sonra reanimasiyada dünyasını dəyişib.