Rusiya Venera planetindən torpaq nümunəsi götürməyi planlaşdırır
Teljurnal xəbər verir ki, bu barədə Rusiya mətbuatına “Roskosmos”un mətbuat xidmətindən məlumat verilib.
“Roskosmos Dövlət Korporasiyası və Rusiya Elmlər Akademiyasının mütəxəssisləri Veneranın (Venera-V missiyası) torpağının, atmosferinin və aerozollarının nümunələrinin Yerə gətirilməsinin mümkünlüyü üzərində işləyirlər”, – mətbuat xidmətində qeyd olunub.
Dövlət korporasiyasında qeyd edildiyi kimi, missiyanın konsepsiyası tamamilə yeni axtarış-qayıdış və eniş kosmik gəmilərinin ardıcıl buraxılmasını nəzərdə tutur.
2020-ci il may ayının ortalarında Rusiya Elmlər Akademiyasının Kosmik Tədqiqatlar İnstitutunun elmi direktoru Lev Zeleni mətbuata açıqlamasında bildirib ki, Rusiya Federasiyasında Veneranın yeni kəşfiyyat proqramı, o cümlədən ən azı üç elmi aparatın göndərilməsi hazırlanacaq. Alimin sözlərinə görə, proqram üzrə ilk ekspedisiya “Venera-D” olacaq.
Baş nazir Mixail Mişustinin S.A.Lavoçkin adına Elmi-İstehsalat Birliyə səfəri zamanı layihənin hökumətin resursları ilə işə salınmasının maliyyələşdirilməsi 2030-cu ildən sonraya planlaşdırıldığını bildirib. Veneranın tədqiqi üçün əvvəlki kompleks proqram SSRİ-də həyata keçirilib.