Rusiya Belarusu öz ərazisi kimi müdafiə edəcək – Lukaşenko
Minsk və Moskva respublikaya təcavüz olarsa, Rusiya Federasiyası Belarusu öz ərazisi kimi qoruyacağı barədə danışırlar.
TELEJURNAL xəbər verir ki, bunu Belarus prezidenti Aleksandr Lukaşenko bazar ertəsi Minskdə Rusiyanın müdafiə naziri Sergey Şoyqu ilə görüşündə deyib.
“Ümumiyyətlə, Rusiya Prezidenti Vladimir Putinlə danışıqlarda belə fikir səsləndi ki, Belarusa təcavüz olarsa, Rusiya Federasiyası Belarusu öz ərazisi kimi qoruyacaq. Bu, bizə lazım olan təhlükəsizlik zəmanət növüdür. Bizə qardaş Rusiyadan tam təhlükəsizlik zəmanəti lazımdır və Kremil bu zəmənəti verir”, – deyə Lukaşenkonun çıxışından Belarusun rəsmi xəbər agentliyi olan “BELTA” sitat gətirib.
Belarus rəhbərinin sözlərinə görə, Putin danışıqlarda vurğulayıb ki, bu kontekstdə Belarus və Rusiya arasında bütün müqavilə və sazişlərə yenidən baxmaq lazımdır. “Öyrəmmək lazımdır ki, Belarusun tam təhlükəsizliyi üçün indi dövlətlərarası xarakterli hansı normativ hüquqi akt qəbul edilməlidir”, – deyə prezident qeyd edib.
Lukaşenka Qərb ölkələrinin Budapeşt memorandumu çərçivəsində nüvə silahlarının geri çəkilməsi müqabilində verilən təhlükəsizlik zəmanətləri ilə bağlı razılaşmaları yerinə yetirmədiyini bildirib. O qeyd edib ki, müttəfiq Qərb dövlətləri faktiki olaraq iqtisadi təhlükəsizliyin də nəzərdə tutulduğu razılaşma ayaqlar altına atılaraq tapdalayırlar: “Yaxşı, onlar bizə, Rusiyaya qarşı sanksiyalar tətbiq edirlərsə, burada hanı iqtisadi təhlükəsizlikdən söhbət gedə bilər. Ona görə də mən Rusiya prezidenti ilə danışıqlarda bu məsələni qaldırdım. O, hər cəhətdən tam dəstək olacağını bildirib” – Belarus lideri qeyd edib.