Qida məhsullarının təhlükəli hesab edilməsinə əsas verən halların açıq reyestrinin aparılması qaydası təsdiqlənib
Qida məhsullarının təhlükəli hesab edilməsinə əsas verən halların açıq reyestrinin aparılması qaydası təsdiq edilib.
Telejurnal xəbər verir ki, bununla bağlı Baş nazir Əli Əsədov qərar imzalayıb.
Qayda “Qida təhlükəsizliyi haqqında” qanunun 10.4-cü maddəsinə uyğun olaraq hazırlanıb və qida məhsullarının təhlükəli hesab edilməsinə əsas verən halların istifadəçilər üçün açıq reyestrinin aparılması qaydasını müəyyən edir.
Qərarda qida məhsullarının təhlükəli hesab edilməsinə əsas verən halların istifadəçilər üçün Qida Təhlükəsizliyi Agentliyi tərəfindən elektron formada açıq reyestrinin aparılması ilə bağlı məsələlərin tənzimlənməsi nəzərdə tutulur.
Qərarın qəbulu ilə qida məhsullarının təhlükəli hesab edilməsinə əsas verən hallar barədə məlumatların vahid mənbədə toplanmasına, insanların həyat və sağlamlığının, habelə istehlakçıların hüquqlarının qorunması üçün qida məhsullarının təhlükəli hesab edilməsinə əsas verən hallar barədə istifadəçilərə vaxtında, düzgün və ətraflı məlumat verilməsinə imkan yaradacaq.
