Qələbə müjdəli Bakı bayraqlara bürünüb
Artıq iki aya yaxındır ki, üçrəngli bayrağımız Bakının küçə və prospektlərinə, park və meydanlarına, habelə yaşayış, inzibati binalarına xüsusi gözəllik bəxş edir.
Telejurnal.az REPORT-a istinadən xəbər verir ki, Bakıda, eləcə də respublikamızın bütün şəhər və rayonlarında müstəqilliyimizin, dövlətçiliyimizin simvollarından olan üzrəngli bayraqlarımız dalğalanmaqdadır.
Azərbaycan Ordusunun sentyabrın 27-də cəbhədə düşmənin təxribatının qarşısını alması və uğurlu əks-hücum əməliyyatından sonra vətəndaşlar hərbçilərimizə dəstək məqsədilə bayraq aksiyasına başlayıblar. Noyabrın 8-də ordumuzun Şuşanı işğaldan azad etməsi paytaxt sakinlərinin böyük sevinci, coşqusu, zəfər bayramı sevinci ilə qarşılanıb. Üstəlik, daha bir fərəhli gün – 9 noyabr – Dövlət Bayrağı Günü sevinci sevincə qatdı. Bakı üçrəngli bayrağa bürünərək cəbhədən yeni-yeni müjdələr, qələbə xəbərləri gözləyir.
