Qəbiristanlığın vurulması nəticəsində ölənlərin sayı artdı – Fotolar

Bu gün Ermənistan silahlı qüvvələrinin Tərtərdə qəbiristanlığı atəşə tutması nəticəsində həlak olan mülki vətəndaşlarımızın sayı 4-ə çatıb.

“telejurnal” “Qafqazinfo”ya istinadən xəbər verir ki, hadisə zamanı yaralanan 1967-ci il təvəllüdlü Əmirov İsgəndər Yelmar oğlu çatdırıldığı xəstəxanada dünyasını dəyişib.

Qeyd edək ki, həmin vaxt dəfn edilən qadın İ.Əmirovun qayınanası, 80 yaşlı Məmmədova Rəfiqə olub. Tərtər rayonundan olan qadın Yevlaxda qızıgildə vəfat edib. Onun cənazəsi dəfn edilməsi üçün Tərtərə gətirilmişdi.

Xatırladaq ki, Tərtərdə bugünkü düşmən təxribatı nəticəsində ümumilikdə 4 mülki vətəndaşımız həlak olub, 4-ü isə yaralanıb.

Yaralılar:

Məmmədov Füzuli Əli oğlu (1966)

Əmirov Nofəl Yelmar oğlu (1968)

Allahverdiyev Elsevər Vəli oğlu (1979)

Qənzənfərli Rafael Qəzənfər oğlu (1986)

Həlak olanlar: 

Əmirov İskəndər Yelmar oğlu (1967)

Rüstəmov Vasif Bahadur oğlu (1960)

Orucov Pərviz Novruz oğlu (1989)

Zamanov Şakir Xasay oğlu (1988)

Qeyd edək ki, məlumata görə, P.Orucov “Mol Bulak” Bank Olmayan Kredit Təşkilatının Tərtər filialının müdiri olub.