“Qəbələ” klubu Türkiyədə üç yoxlama oyunu keçirəcək
“Qəbələ” klubunun 2023/2024 mövsümünə hazırlıq planı müəyyənləşib
“Qırmızı-qaralar”dan “Telejurnal“a verilən məlumata görə, komanda iyunun 24-də Qəbələdə bir araya gələcək. İyulun 8-dək davam edəcək təlim-məşq toplanışının ilk mərhələsində bir yoxlama oyununun keçirilməsi nəzərdə tutulub.
“Qəbələ” toplanışın ikinci mərhələsini gerçəkləşdirmək üçün iyulun 10-da Türkiyəyə yollanacaq. Bölgə klubu Boluda məskunlaşacaq. Qonşu ölkədə üç yoxlama görüşü təşkil olunacaq. Bu qarşılaşmalar ayın 12-də, 15-də və 19-da baş tutacaq.
“Qəbələ”nin Türkiyəki hazırlıq prosesinin müddəti UEFA Konfrans Liqasının II təsnifat mərhələsinin iyunun 21-də keçiriləcək püşkatmasından sonra dəqiqləşəcək.
“Qırmızı-qaralar” ilk oyununu səfərdə keçirməli olsa, görüşə Boludan yollanacaq. Avrokubok mövsümü ev matçı ilə başlasa, “Qəbələ” iyulun 20-də vətənə qayıdacaq və hazırlıqları ölkədə yekunlaşdıracaq.
