“Qəbələ” Azərbaycan kubokunu qazandı
Dünən Azərbaycan kubokunun 2023-cü il üzrə qalibi müəyyənləşib.
Telejurnal xəbər verir ki, həlledici görüşdə “Neftçi” və “Qəbələ” üz-üzə gəlib. “Bakcell Arena”da keçirilən görüşün əsas vaxtında komandalar qapılara yol tapa bilməyiblər. Buna görə də matç əlavə vaxtda davam edib. Bu vaxt “Qəbələ”dən İsnik Alimi 102-ci dəqiqədə penaltini dəqiq yerinə yetirib. Oyunda başqa qol olmayıb. Nəticədə “Qəbələ” Azərbaycan kubokunun sahibi olub.
Qeyd edək ki, bu günədək “Neftçi” 6 dəfə, “Qəbələ” isə 1 dəfə Azərbaycan kubokunun sahibi olub.
Xatırladaq ki, Premyer Liqada “Nefçi” 3-cü, “Qəbələ” isə 4-cü yer tutaraq Konfrans Liqasına vəsiqəni təmin edib. Buna görə də matç avrokuboklara vəsiqə baxımından əhəmiyyət daşımayıb.
Qeyd edək ki, kubokun son qalibi “Qarabağ”dır.
Azərbaycan kuboku
Final
20:00. “Neftçi” – “Qəbələ” – 0:1
Qol: İsnik Alimi, 102-pen. (0:1)
“Bakcell Arena”.
