Qazaxıstan dünyada nüvə silahlarının tam qadağan olunması ilə bağlı çağırış edib

Qazaxıstan bütün dünyada nüvə silahlarının tam qadağan olunması ilə bağlı çağırış edib.

Telejurnal  xarici KİV-ə istinadən xəbər verir ki, bu barədə ölkə Prezidenti Kasım-Jomart Tokayev danışıb.

Onun sözlərinə görə, SSRİ-nin dağılması zamanı Qazaxıstan dördüncü ən böyük nüvə ölkəsi idi: “Amma biz könüllü olaraq nüvə silahından imtina etdik. Biz 2045-ci ilə qədər nüvə silahlarının tamamilə aradan qaldırılmasında, həmçinin bioloji silahların qadağan edilməsində israr edirik”.