“Qarabağ”dan yeni transfer

“Qarabağ”ın bu yay transfer pəncərəsi zamanı heyətinə qatacağı ilk futbolçu müəyyənləşib.

Telejurnal Qol.az-a istinadən xəbər verir ki, Ağdam təmsilçisi “Zirə”nin fransalı futbolçusu Hamidu Keyta ilə tam razılıq əldə edib. Keyta dünən “Qarabağ”ın bazasında da olaraq danışıqların yekun mərhələsini aparıb və yekun razılıq əldə edilib.

İyunun 30-u “Zirə” ilə müqaviləsi başa çatacaq Keyta Ağdam klubuna azad agent kimi keçəcək. Onunla 1+1 illik müqavilə imzalanacaq.

Qeyd edək ko, Keyta bu ilin mart ayında “Qalatasaray”a qarşı keçirilən xeyriyyə matçında “Qarabağ”ın heyətində çıxış edib.

Xatırladaq ki, 28 yaşlı sol vinger 2022-ci ilin yanvarından “Zirə”də oynayır.