Prezidentin təhlükəsizliyini təmin edən orqanın yubiley medalı təsis edilib
Prezident İlham Əliyev “Azərbaycan Respublikası Prezidentinin təhlükəsizliyini təmin edən orqanın 30 illiyi (1993–2023)” Azərbaycan Respublikasının yubiley medalının təsis edilməsi ilə əlaqədar “Azərbaycan Respublikasının orden və medallarının təsis edilməsi haqqında” qanunda dəyişiklik edib.
TELEJURNAL xəbər verir ki, sənədə əsasən Azərbaycan Respublikası Prezidentinin təhlükəsizliyini təmin edən orqanın 30 illiyi (1993–2023)” Azərbaycan Respublikasının yubiley medalı təsis edilib.
Sənədə əsasən, həmin yubiley medalı haqqında Əsasnamə və yubiley medalının təsviri də təsdiqlənib.
Bu sənəddə Azərbaycan Respublikası Prezidentinin təhlükəsizliyini təmin edən orqan dedikdə Prezidentin Təhlükəsizlik Xidməti nəzərdə tutulur.
“Azərbaycan Respublikası Prezidentinin təhlükəsizliyini təmin edən orqanın 30 illiyi (1993–2023)” Azərbaycan Respublikasının yubiley medalı ilə təltif etmək səlahiyyəti Azərbaycan Respublikası Prezidentinin Təhlükəsizlik Xidmətinin rəisinə verilib.
