Prezident İlham Əliyevin Soçiyə səfəri Estoniya mətbuatının da diqqət mərkəzində olub
Estoniyanın “ERR” və “Postimees” xəbər portalları Azərbaycan Prezidenti İlham Əliyevin Soçiyə səfərini və orada keçirilən görüşlərlə bağlı geniş informasiyalar yayıblar.
‘TELEJURNAL’ ‘AZƏRTAC’-a istinadən xəbər verir ki, yazılarda Azərbaycan Prezidenti İlham Əliyev və Rusiya Prezidenti Vladimir Putin arasında ikitərəfli görüş keçirildiyi, sonra isə Azərbaycan, Rusiya və Ermənistan rəhbərlərinin üçtərəfli danışıqlar apardıqları qeyd olunur.
Prezident İlham Əliyevin Ermənistan tərəfinə qarşıdurmaya son qoymaq, ölkələrimizin bir-birinin ərazi bütövlüyünü, suverenliyini tanımaq və gələcəkdə yaxşı qonşuluq münasibətləri qurmaq təkliflərinə diqqət çəkilir.
Üç ölkənin liderlərinin Soçidəki görüşündə sərhədlərin demarkasiyası məsələsində razılıq əldə olunduğu diqqətə çatdırılır.
Yazılarda, həmçinin münaqişənin tarixi barədə ətraflı məlumat verilir.
https://azertag.az/xeber/Prezident_Ilham_Aliyevin_Sochiye_seferi_Estoniya_metbuatinin_da_diqqet_merkezinde_olub-1938230
