Prezident Ərdoğan Putinlə telefonla danışıb
Türkiyə Prezidenti Rəcəb Tayyib Ərdoğanın rusiyalı həmkarı Vladimir Putinlə telefon danışığı baş tutub.
TELEJURNAL xəbər verir ki, Türkiyə Prezident Aparatından verilən məlumata görə, liderlər görüşdə ikitərəfli münasibətləri və regional hadisələri müzakirə ediblər.
Prezident Ərdoğan görüş zamanı Rusiya Prezidenti Putinə bu gün İlk Nüvə Yanacağının Təqdimat Mərasiminin keçiriləcəyi “Akkuyu” Atom Elektrik Stansiyasına verdiyi dəstəyə görə təşəkkür edib.
Rusiya-Ukrayna müharibəsindəki vəziyyət və taxıl müqaviləsi ilə bağlı araşdırmaların da qiymətləndirildiyi görüşdə prezident Ərdoğan təklif olunan işçi qrupu vasitəsilə yeni təşəbbüslərin üzərində işlənə biləcəyini bildirib.
Görüşdə Suriyadakı hadisələr də müzakirə edilib. Rusiya prezidenti Putin də prezident Ərdoğana ən xoş arzularını çatdırıb.
Görüşdə vitse-prezident Fuat Oktay, prezidentin sözçüsü İbrahim Kalın və MİT rəhbəri Hakan Fidan da iştirak edib.