Portuqaliya hərbçiləri Rusiya gəmisini müşayiət etməkdən imtina ediblər
Madeyra adasında yerləşən Portuqaliya hərbi qulluqçuları Rusiya donanmasının gəmisini müşayiət etmək tapşırığını yerinə yetirmək üçün gəminin göyərtəsinə çıxmaqdan imtina ediblər.
TELEJURNAL xəbər verir ki, bu barədə çərşənbə axşamı “Radio e Televisão de Portugal” telekanalı məlumat yayıb.
Vrilən məlumata görə, insident şənbə günü, 13 əsgərin göstərişlərə əməl etmədiyi zaman baş verib. Onlar hadisəyə səbəb kimi, təhlükəsizlik şəraitinin olmaması və texniki məhdudiyyətlər, o cümlədən mühərrik otağına suyun daxil olması və mühərriklərdən birində problemlər olduğunu qeyd ediblər.
Öz növbəsində Portuqaliya Hərbi Dəniz Qüvvələri həyata keçirəcəkləri missiyanın qısamüddətli olduğuna, sahilə yaxın və həmin vaxt yaxşı hava şəraiti olduğunu bildirib. Hərbi Dəniz Qüvvələri hesab edir ki, 13 əsgər öz vəzifələrini yerinə yetirməyib və səlahiyyətlərinə aid olmayan funksiyaları öz üzərinə götürüb. İndi onlar itaətsizliyin nəticələri ilə üzləşə bilərlər.
Portuqaliyalı hərbçilərin hansı gəmini müşayiət etməyi planlaşdırdığı açıqlanmır.