Paşinyan Putinlə söhbətinin bəzi təfərrüatlarını açıqladı
“Rusiya prezidenti Vladimir Putinlə söhbətin əsas mövzusu Dağlıq Qarabağda vəziyyətin gərginləşməsi təhlükəsi ilə bağlı olub”.
TELEJURNAL xəbər verir ki, bunu çərşənbə axşamı Ermənistan Respublikasının baş naziri Nikol Paşinyan mətbuat konfransında bildirib. “Rusiya prezidenti ilə dünənki söhbətimiz əsasən Dağlıq Qarabağda eskalasiya təhlükəsinə həsr olunub. Mən əldə etdiyim məlumatları, təəssüratları və Rusiya sülhməramlılarının məsuliyyəti sahəsində problemlərin olması ilə bağlı fikrimi çatdırdım”, – deyə Paşinyan bildirib.
Onun sözlərinə görə, bu, Ermənistanla Rusiya Federasiyası arasında münasibətlər kontekstində ən mühüm problemdir. Paşinyan Azərbaycan hərbçilərinin Qarabağda apardığı anti-teror əməliyyatı və sonra sülhməramlıların bazası qarşısında etiraz aksiyasının keçirilməsinə diqqət çəkib və bunu “gözlənilməz hadisə” adlandırıb.
Baş nazir qeyd edib ki,hadisə sülhməramlıların məsuliyyət zonasında baş verib. “Mən narahatlığımı Rusiya Federasiyasının prezidentinə bildirməyi zəruri hesab etdim”, – deyə Paşinyan bildirib.
Bundan əlavə, o, mətbuat konfransında iştirak edən jurnalistin “Qarabağ nizamlanması ilə bağlı Rusiya Federasiyasının mövqeyini səsləndirin” xahişinə belə cavab verib: “Bu düzgün olmaz, çünki Moskva özü bunu dəfələrlə bildirib”.
Bundan əvvəl Ermənistan hökumətinin mətbuat xidməti xəbər vermişdi ki, ER baş naziri Rusiya prezidenti ilə telefon danışığında azərbaycanlıların Laçın dəhlizində keçirdiyi aksiya ilə bağlı müzakirlər aparıb.