Paşinyan KTMT-nin Ermənistanı tərk etməsindən qorxur

“Ermənistan Kollektiv Təhlükəsizlik Müqaviləsi Təşkilatından (KTMT) çıxmaq fikrində deyil, lakin təşkilat ölkədəki mövqelərini tərk edir”.

TELEJURNAL  xəbər verir ki, bu barədə çərşənbə axşamı baş nazir Nikol Paşinyan mətbuat konfransında bildirib.

“2022-ci ildə KTMT-nin baş katibi mənə dedi ki, KTMT-də Ermənistanın təşkilatdan çıxacağı ilə bağlı qorxular var. Cavab verdim ki, bu qorxular yersizdir, amma Ermənistanda mövcud olan başqa qorxular da mövcuddur və biz KTMT-nin Ermənistanı tərk etməsi ilə bağlı təhlükəni hiss edirik. Mənim qiymətləndirməm ondan ibarətdir ki, istər-istəməz KTMT Ermənistanı tərk edir və bu, bizi qorxu yaradacaq qədər narahat edir”, – o qeyd edib.

Onun sözlərinə görə, Ermənistan öz nümayəndəsinin KTMT-nin baş katibinin müavini vəzifəsinə təyin olunmasına, əgər bunun onun təhlükəsizliyini gücləndirəcəyinə əmin olsa, razılaşacaq.