Özbəkistanda Türk Dövlətləri Təşkilatı işçi qrupunun Forumu keçiriləcək

Fevralın 9-10-da Özbəkistanın qədim Səmərqənd şəhərində Türk Dövlətləri Təşkilatı (TDT) işçi qrupunun Forumu keçiriləcək.
“TELEJURNAL” AZƏRTAC-a istinadən xəbər verir ki, tədbirdə Özbəkistan, Azərbaycan, Türkiyə, Qazaxıstan, Qırğızıstan, Türkmənistan və Macarıstanın nümayəndələri iştirak edəcəklər.
Forumda Özbəkistanın Kokand şəhərinin “Türk dünyasının turizm paytaxtı” elan olunması və bununla bağlı keçiriləcək tədbirlər planı müzakirə ediləcək, müvafiq qərar qəbul olunacaq.
Tədbirdə TDT çərçivəsində ziyarət turizminin, adi səfərlərin daha da inkişaf etdirilməsi məsələləri də diqqət mərkəzində olacaq.