Ötən il neft məhsullarının istehsalı 13 faizdən çox artıb

Ötən il neft məhsullarının istehsalı sahəsində istehsalın ümumi dəyəri 4394,6 milyon manat olmaqla, əvvəlki illə müqayisədə 13,4 faiz artıb.
“TELEJURNAL” AZƏRTAC-a istinadən xəbər verir ki, yanacaq mazutunun istehsalında 70,5 faiz, neft-kimya sənayesində istifadə üçün benzinin istehsalında 67,2 faiz, sürtkü yağlarının istehsalında 39,1 faiz, neft koksunun istehsalında 29,7 faiz, dizel yanacağının istehsalında 16,2 faiz, avtomobil benzininin istehsalında isə 7,9 faiz artım olub.