“Ordumuzda qan ehtiyatları ilə bağlı heç bir problem yoxdur” – Müdafiə Nazirliyi

Qan vermək məqsədilə Silahlı Qüvvələrin Baş Klinik Hospitalına vətəndaşlar tərəfindən xeyli sayda müraciətlər daxil olur.

“telejurnal” “Qafqazinfo”a istinadən xəbər verir ki, bununla bağlı Müdafiə Nazirliyi məlumat yayıb:

“Bununla əlaqədar bildiririk ki, Azərbaycan Ordusunda qan komponentləri ehtiyatları ilə bağlı heç bir problem yoxdur.

Ordumuzun qan və qan komponentlərinə olan tələbatı Silahlı Qüvvələrin Baş Klinik Hospitalının Qan Bankı bölməsi tərəfindən tam təmin edilir və hərbi tibb müəssisələrində bütün qan qruplarından ehtiyatlar mövcuddur”.