On ayda dəmir yolu ilə 5,7 milyon ton yük daşınıb

Yanvar-oktyabr aylarında dəmir yolu nəqliyyatı ilə 5 milyon 709,6 min ton yük daşınıb ki, bu yüklərin dəyəri 2 milyard 496,7 milyon ABŞ dolları olub.

‘TELEJURNAL’ Dövlət Gömrük Komitəsindən AZƏRTAC-a verilən məlumata istinadən xəbər verir ki, dəmir yolu nəqliyyatı ilə ixrac olunan 2 milyon 585,3 min ton yükün dəyəri 879,4 milyon dollar təşkil edib.

Qeyd edilən dövrdə bu nəqliyyat növü ilə idxal edilən yüklərin həcmi 3 milyon 124,2 min ton, dəyəri isə 1 milyard 617,3 milyon dollar olub.

https://azertag.az/xeber/On_ayda_demir_yolu_ile_57_milyon_ton_yuk_dasinib-1942298